பிரதேச செயலகம் *** ஒட்டுசுட்டான்

2026.03.17

தேசத்தை கட்டியெழுப்புகின்ற வளமான கிராமம்" சமூக உற்பத்திதிறன் மாதிரி கிராம திட்டம்

இந்நிகழ்வு சிறப்பாக அமைய அனைத்து வேலைகளிலும் ஆர்வமுடன் தங்களை ஈடுபடுத்திக் கொண்ட வித்தியாபுரம் கிராமத்தினருக்கு எமது மனமார்ந்த நன்றிகளும் பாராட்டுகளும் ,எமது கிராமத்தின் இந்த புதிய பயணத்தில் அனைவரும் ஒன்றிணைவோம்.

 

2026.02.04

இலங்கை ஜனநாயக சோசலிசக் குடியரசின் 78 ஆவது சுதந்திரதின நிகழ்வுகள் காலை 7.30 மணிக்கு தேசியக் கொடியேற்றலுடன் ஆரம்பமாகியிருந்தன. தொடர்ந்து இந் நன்நாளை நினைவுகூரும் வகையில், அலுவலக வளாகத்திலே மரக்கன்றுகள் நாட்டும் நிகழ்வுகள் நடைபெற்றிருந்தன. அதனைத் தொடர்ந்து, டித்வா புயல் நிலைமை காரணமாக பாதிக்கப்பட்டிருந்த பொதுமக்களில் தெரிவு செய்யப்பட்ட பயனாளிகளுக்கான உலர் உணவு, உடுபுடவை மற்றும் கற்றல் உபகரணங்கள் வழங்கி வைக்கப்பட்டிருந்தமை குறிப்பிடத்தக்கது.

 

2026.02.16

சனாதிபதி நிதியத்தினூடாக மருத்துவ உதவி வழங்கி வைப்பு

சனாதிபதி நிதியத்தின் ஊடாக பிரதேச செயலகம் வரை பன்முகப்படுத்துதல் திட்டத்தின் மூலம் ஒட்டுசுட்டான் பிரதேச செயலகத்தில் முதலாவது கொடுப்பனவாக இருதய சத்திர சிகிச்சைக்காக ரூபா 250,000/- பெறுமதியான காசோலையானது பெரிய இத்திமடு கிராம அலுவலர் பிரிவைச் சேர்ந்த திருமதி அழகுராணி தெய்வேந்திரம் அவர்களுக்கு பிரதேச செயலாளர் அவர்களால் வழங்கி வைக்கப்பட்டது.

2026.01.19

சூரிய பகவானுக்கு நன்றி கூறி புதிய அறுவடையைக் கொண்டாடும் தமிழர்களின் முக்கியமான அறுவடைத் திருநாளாகிய தைப்பொங்கல் நிகழ்வுகள் பிரதேச செயலாளர் மற்றும் உத்தியோகத்தர்களால் அலுவலகத்தில் கொண்டாடப்பட்டிருந்தன. அத்துடன் பொதுமக்களும் குறித்த பொங்கல் நிகழ்வில் கலந்து கொண்டு பொங்கல் உண்டு மகிழ்ந்திருந்தமை குறிப்பிடத்தக்கது.